Te Ōrokohanga — ahorangi.io

Ko Io Nui, Io Roa, Io Matua, Io Matua Kore Ko Io Matamoe, Io Matakakā, Io Matanui, Io Matangaro Io Mataaho, Io Urutapu, Io Pūkenga, Io Wānanga Io Nītanga, Io Te Whiwhia, Io Te Rawea Io Taketake Ko Te Kore Ko Te Kore Tuatahi, Ko Te Kore Tuarua Ko Te Kore Tuatoru, Ko Te Kore Tuawhā Ko Te Kore Tuarima, Ko Te Kore Tuaono Ko Te Kore Tuawhitu, Ko Te Kore Tuawaru Ko Te Kore Tuaiwa, Ko Te Kore Tuangahuru Ko Te Kore Tuangahuru Mā Tahi Ko Te Kore Tuangahuru Mā Rua Te Kore Te Whiwhia, Te Kore Te Rawea Te Kore Te Tāmaua, Te Kore Te Tāngare Te Kore Tūāpapa, Te Kore Tūārangi Te Kore Te Pō, Te Kore Te Ao! Ko Te Whakamatūtanga Ka matū, ka whāoko, ka pīere, ka mātata, ka ngāwha, ka ngāora, ka pū Ko te pū, ka more, ka weu, ka aka, ka rea, ka wao, ka kune, ka whē, ka tau Ko Te Iho Taketake Ko Te Iho Matua a Ranginui e tū iho nei Ko Te Iho Marie a Papatūānuku e takoto ake nei

I te tīmatanga, i mua i te putanga mai o tēnei ao, i mua noa atu i te putanga o ngā ripa o te pō nui o te pō roa, i mua i te korenga o Te Kore, ko Io anake i Te Tumu rā anō. Ko ia te matua nui, te matua kore. Ko ia te mauri nui, te mauri roa. Ko tana mauri he āio, he manatū. Ko tana mauri ka rere. Kei roto i tana mauri te nītanga o ngā mea katoa, me te wairua o ngā mea katoa. Kei roto i tana mauri ko Te Kore, ko Te Pō, ko Te Ao, ko Tahito Kī, ko Tahito Kōrero, ko Tahito Wānanga. He korekore katoa tokitoki i roto i Te Kore. He rite ki te tangata e warea ana e te moe. He āio tokitoki engari hoki he ihiihi. He matamoe engari he matakakā. He matanui engari he matangaro. He whakamatū te wā nei, he wā whakamatatū, he whakamataaho, he whakaurutapu. Anō nei he tangata e moemoeā ana. Ka kitea ake ko ngā pō katoa, ka kitea ake ko ngā ao katoa. Ka kitea ake mai i roto ki waho. Ka kitea ake mai i raro ki runga, mai i mua ki muri. Mai i te kirikiri kotahi noa iho ki tōna poioneone, atu ki tōna ao. Engari tonu he korekore noa iho a Te Kore. He roa kē nei te wā e noho toka ana a Io, ko ia anake. Kātahi ia ka paku nuku, ka paku neke. Ka nui haere atu, ka roa haere atu. Ka whakamatua ia i a ia anō. Ka whai matū ko Io Nui, ka whāoko ko Io Roa, ka pīere ko Io Matua, ka mātata ko Io Matua Kore. Ka tīmata ki te whakaemi haere i a ia anō. Ka kakā, ka ahoaho, ka urutapu, ko te mauri āioio ka ū. Ka ngāwha ko Io Matakakā, ka ngāora ko Io Mataaho, ka pū ko Io Urutapu, ka weu ko Io Matanui. Ka tīmata ia ki te whakapiritahi i a ia anō. Ka wana ko Io Matamoe, ka taraiho ko Io Matangaro, ka pura ko Io Pūkenga, ka oro ko Io Wānanga, ka ngā ko Io Te Whiwhia, ka ngāhe ko Io Te Rawea, ka wao ko Io Taketake. Auē! Kua whakaiho taketake a Io i a ia anō.

Ko te ahurewa ka ahu ko te ahurewa ka rewa He rewanga atu ki a koe e Io e He whakatau i te pū aro tahito He whakatau i te pū aro tipua He whakatau i te pū aro whatukura! Ko te pū ka more ka weu ka aka ka rea Ka wao ka kune ka whē ka tau e! Ko te mana tahito ka heke Ko te iho atua ka heke Ko te mana ka heke ka tau kia whita Kei te rangi pāmamao Kei te nuku pāmamao Kei te rangi kei Tūwaerea Heke iho ki te kāhui tahito Ki te kāhui tipua, ki te kāhui ariki Ki te kāhui ahurewa, ki te whakahekenga nei e Kia rewa ake te pū kia iri! Haramai te toki! Haumie! Uie! Tāiki e!

He taketake nui, he taketake roa, he taketake matua

He taketake nui, he taketake roa, he taketake matua. He rite ki te kākano, kei roto i tōna puku ngā pūtake katoa o te rākau whakaruruhau. Mā te iho nei ngā mea katoa e whakatake ki roto i te warea o Te Kore. Māna e whakatipu ki roto i te āhuru o Te Pō. Māna tonu e whakatau ki roto i te ahoaho o Te Ao. Kei roto rā te wairua me te mauri o ngā mea katoa.

Tēnei te mauri ka tau nei he mauri āioio nāu e Io Te Mataaho Tēnei te mauri ka tau nei he mauri whatukura nāu e Rehua Tēnei te mauri ka tau nei he mauri ahurewa nāu e Tānetewānanga! He whakamā i te pū, he whakaū i te pū, he whakarī i te pū Kia ahurangi atu au ki a koe e Io e! Ko te pupuke nā Rua ka ū, ko te hihiri nā Rua ka ū Ko te mahara nā Rua ka ū, ko te pūkenga nā Rua ka ū Ko te wānanga nā Rua ka ū, ko te whaihanga nā Rua ka ū, ka tau kia whita! Ko te hiringa ā-Rangi ka tau, ko te hiringa ā-Nuku ka tau Ko te hiringa ā-Tāne ka tau kia whita e! He tīaho i roto, he rarama i roto, he pīata i roto Whakatauria mai kia tīna! Tīna! Haumie! Uie! Tāiki e! Tēnei te pou ka tū ko te pou o tēnei wānanga Tēnei te pou ka tū ko te pou o tēnei tauira Tēnei te pou ka tū ko te pou kikī o runga Tēnei te pou ka tū ko te pou kekē o raro! Whakapoua te hā o Rua ko ngā pou matua ki te Rangi Whakapoua te hā o Rua ko ngā whatukura ki te one Whakapoua te hā kia hihiri Whakapoua te hā kia rarama Ko te pou nei kei a koe, ko te pou nei ka eke Whano! Whano! Haramai te toki! Haumie! Uie! Tāiki e!

Ka pū anō a Io. Ka more. Ka weu. Ka aka atu, ka rea atu. Ka whakawhāiti atu, ka whakawhāiti mai. Ka whakarau atu, ka whakarau mai. Ka whakamatakakā atu, ka whakamataaho mai. Ka urutapu atu, ka uru taketake mai. Ka wao, ka kune, ka whē, ka whakamatua anō a Io i ana taketake katoa. Ka puta ko te iho matua. He iho tipua. Kua whakaihorangitia ki roto i a ia anō te mana o te rangi. He kakā, he ahoaho, he ihiihi, he wanawana, he tū tama tāne. Mā te iho nei te mana tāne o Ranginui e whakatinana. Ka tīmata anō a Io ki te whakamatua i a ia anō. Ka pū anō, ka more, ka weu, ka aka, ka rea, ka wao, ka kune, ka whē, ā, ka puta ko te iho marie. He iho tipua anō. He iho āhuru. He iho mōwai. He iho kei roto rā te mana o te papawhenua, he marie, he tau, he tiaki, he atawhai, he tū tama wahine. Mā te iho nei te mana wahine o Papatūānuku e whakatinana.

Ahoaho tikitiki o rangi te wānanga a Io Tāmaua i roto, tāmaua i waho Tāmaua i runga, tāmaua i raro Tāmaua te taketake nei Kia matua te iho, kia matua te aho Pū whakatikitiki, pū whakataketake Pū whakaaraara, pū whakamataaho Tāmaua i roto i taku aro te kura Ko te kura nui ko te kura roa Ko te kura mataarae roa Tāmaua i roto i taku aro te kupu Ko te kupu i te pūtahi nui a Rehua Uē rangi nā Tānenuiarangi Uē nuku nā Tānewānanga Tupe arorangi, tupe taharangi e Paerangi whakamataara nā tipua Paerangi whakamataaho nā tahito! Tāmaua ki te pū o taku iho Tāmaua ki te pū o taku aho Tāmaua ki te pū aho whaturangi Tāmaua kia mau kia whita, tāmaua eeii Whano! Whano! Haramai te toki! Haumie! Uie! Tāiki e!

Kua whakatakea te iho matua. Kua whakatakea te iho marie.

Kua whakatakea te iho matua. Kua whakatakea te iho marie. He tū tama tāne te iho matua, māna te mana tāne o Ranginui e tū iho nei e whakatinana. He tū tama wahine te iho marie, māna te mana wahine o Papatūānuku e takoto ake nei e whakatinana.

Nā Te Iho Matua ko Ranginui e tū iho nei Nā Te Iho Marie ko Papatūānuku e takoto ake nei Te Rapunga, Te Whaia, Te Kukune, Te Pupuke, Te Hihiri, Te Mahara Te Hinengaro, Te Manako, Te Wānanga, Te Atamai, Te Āhua, Te Hauora Te Whiwhia, Te Rawea, Ka Whai Wā, Ka Whai Ātea Ko Te Pō, ko Te Pō Nui, ko Te Pō Roa Te Pō Uriuri, Te Pō Kerekere, Te Pō Tiwhatiwha, Te Pō Tangotango Te Pō Tē Kitea, Te Pō Whāwhā, Te Pō Tahuri Atu, Te Pō Tahuri Mai Te Pō Namunamu Ki Taiao, Te Pō Tahuri Atu Ki Taiao Ko Te Āhurutanga, Te Kukune Iti, Te Kukune Rahi, Te Pupuke, Te Ahunga, Te Aponga Te Popokonui, Te Popokonao, Ko Te Hōkai Nuku, ko Te Hōkai Rangi

Ka whakamatakakā anō a Io i a ia anō, kia horokakā tonu te ihi ki roto i a ia, kia rere ko te mauri āio. Ka rapu atu, ka rapu mai, kia whāia atu rā e ia te ihi, te wehi, te wana, te mana, te tapu, te mauri me te wairua kua whakataketakea nei i roto i te iho taketake.

Tēnei au e hōkai nei i roto i a koe e Tāne Tānewhakapiripiri, Tānenuiarangi, Tānetewānanga Whakapiria te iho he taketake he matua, whakapiria te aho he tipua he tahito! Ki a koe e Tānenuiarangi te hiringa taketake Kia tūhāhātia ngā rangi whakamataara ngā rangi whakamataaho Pūramatia ko te hiringa matua, pūramatia ko te hiringa i roto, pūramatia ko te hiringa i te pū nei! E piki atu ki te rangi whakauruuru ki te wai o Rongo, Rongo manawa pou roto, Rongo manawa pou waho E uru mā te whare pūmotomoto o Tikitiki o Rangi ki Maraeātea He huinga tipua he huinga tahito, he huinga whatukura, he huinga mareikura Ko te huinga a tū aweawe e! Whakahonoa te iho, whakahonoa te aho, whakahonoa hei taketake! Puritia te wānanga ariki, ko te wānanga a Io, i whata ai i roto o Rangiātea E tūhono urutipua, tūhono urutahito, tūhono urumatua! Tūhono kia whita! Whakatūhonohono e! Whano! Whano! Haramai te toki! Haumie! Uie! Tāiki e!

Ko te iho ka kukune, ka pupuke

Ko te iho ka kukune, ka pupuke. Ka hihiritia tōna mahara. Ka koroingo, ka ngoto, ka hiahia, ki te whakatutuki i te wawata i timata ai te whakaaro. He whakaaro i tīmata ai i roto i te hinengaro o Te Kore. Ka tau te hihiri ki roto i te whakaaro kia whai pūtake he mahara i roto i te hinengaro. He tūmanako kia whai wānanga, kia tū atamai, kia whai āhua, kia whai hauora, kia whiwhia, kia rawea te matanui a Io. Kia puta ko te wā, kia puta ko te ātea. Ka tau mai ko ngā ripa o Te Pō. Ka nui te pō ki ngā wāhi katoa, ka roa te pō, he pō mutunga kore. He uriuri te pō, he kerekere te pō, he kino te pōuriuri. He tiwhatiwha te pō, he tangotango te pō. He mātotoru hoki te pōuritanga. Koia nei te pō tē kitea, kāore he mea e paku kitea. Mā te whāwhā anake e kaha ai te haere. He pō ngōki hārau haere. He pō āhuru mōwai kia whānau mai ai i te ara namunamu ngā hua a Io. He pō tāhuri atu ki te whānui o te ao wheiao. He pō tahuri mai i te whāiti o te ao kōpū taiao. Ka kukune iti te āhua o te pō. He kunenga iti, he kunenga rahi. He ahunga. He aponga. He popokonui te kōpū o Te Pō. He popokonao te tara o Te Pō. Ka whakawhāiti anō a Io Taketake i tōna ihi, i tōna wehi, i tōna wana. Ka tau tika anō tōna mana, tōna tapu, ka kitea i roto i tōna mauri. Ā, ka tau ake ko te iho o Ranginui e tū iho nei, ko te iho hoki o Papatūānuku e takoto ake nei. He iho i puta mai ai i te iho matua me te iho marie. He iho i puta ake i te mana o te iho taketake. He iho i puta i te whakamatuatanga a Io Matua i a ia anō. Kei a Ranginui te tū o te ure tārewa. Kei a Papatūānuku te mana o te whare atua. Mā rāua te ao e whakatutuki.

E tārewa tū tahi ana a Rangi rāua ko Papa i roto i te au o Te Pō. Ko Ranginui ki runga noa atu, ko Papatūānuku ki raro noa ake. Ka kite rāua i a rāua. Ahakoa te tawhiti i waenga i a rāua, ahakoa hoki te kaha o te pōuritanga me ngā ripa tuamatatini o te pō, ka pā tonu te hiahia ki a rāua kia piritahi ai. Ā, ka huri aroaro rāua ki a rāua kia rongo ai rāua i ō rāua hā, kia manaakitia hoki e rāua ō rāua hā. Koia nei te whakatinanahanga o te aroha. Ko te aroha te hua urutapu a Io.

Tēnei te pae roa te ngaua nei E tēnei awhinuku e tēnei awhirangi He pae whakangau pae, whakangaua He pae whakaiti pae, whakaitia Kia manawaiti taku manawa he tuohu Kia ngākau mahaki taku ngākau he ngākaunui Papa tiketike nuku, papa tiketike rangi – nāu e Io Whiwhia! Tahawhākinuku tahawhākirangi He pīerenuku he pīererangi He kauru toi nui he kauru toi roa Nō rongo wainui, te moana o kura He moana wai o te rangi He moana apa wehirangi – nāu e Io Rawea! Hāpainga nuku te pia nei Hāpainga rangi te pia nei He ahurewa he ahurangi te pia nei He korekore, he rikiriki te pia nei Toropaepae whakaiti Toropaepae whakangau Ki tēnei hekenga nā Tāne Ahorangi Whakangaua te pae kia mau kia ita Haramai te toki! Haumie! Uie! Tāikie! He au āio he ia āio He ia āio nō te waipuna ariki He waipū he waipuna he waipuhi nāu e Io Te Waiora Whakaahupapatia te pū nō tua ki te waiūkaipō o Tūānuku Whakaahurangitia te pū nō tua ki te mana waiora o te ira tawhito Kia tau kia tina! Tina! Haramai te toki! Haumie! Uie! Tāiki e!

Io The Omnipotent, Io The Eternal, Io The Creator, Io Born Of Itself Io Of All Potential, Io The Ignitor, Io Who Sees All, Io Who Senses All Io The Source Of Light, Io The Inviolate, Io The Source Of All Growth Io The Source Of All Wisdom, Io The Source Of All Divinity Io The Limitless, Io The Boundless Io The Source The Nothingness That Could Be To the first, to the second, to the third, to the fourth To the fifth, to the sixth, to the seventh, to the eighth To the ninth, to the tenth, to the eleventh, to the twelveth That Refines Itself, That Hones Itself To Take Hold, Be Roused At Once Passive, At Once Active At Once Creator, At Once Created Genesis Of Creation A single cell to a universe, that knows, that hones, that fine-tunes Focuses and centres, finds balance in accord, surrenders in acceptance As an anchored core braces, and empowers, seeks its quintessence And ignites, and realises, and matures Perceives, hears itself and is still The Universe In A Cell The Active Elements That Would Be Male The Passive Elements That Would Be Female

In the beginning, before the birth of this world, before the endless mantles of darkness, before even the void of The Nothingness, is Io alone at the Concentric Pillar of Creation. The origin. Born of itself. The vital power, all-empowering. A consciousness permeating all things. A dynamic force. Extant. The spark of all things, the soul of all things. Within it lies the potential to be, its coming into being, and the being. All at once co-existing, as a thought becomes a word becomes an action.

Nothing is, in the void of The Nothingness. Like a person sleeping, energies dormant, latent. Peaceful yet invigorated. Able to be ignited. Senses opening and developing. The potential to come into being from nothing, nascent, self aware, pristine. Like a person dreaming. In the night of gestation. In the light of creation. Seeing the universe as it could be, the cosmos as it might be, creation as it is. As the tiniest grain of earth holds the entire world. Yet, all is void in The Nothingness.

For eons the primordial force lies motionless. Finally, in its dormancy, it moves. And again. It gains size and breadth. It begins to master itself. Io The Omnipotent gives form to the formless. Io The Eternal gives sound to vibration. Io The Creator fissures, Io Born Of Itself renders asunder. It gathers itself to itself. Ignites, illuminates, it is sacrosanct. The force anchors and takes root. Io The Initiator releases energy. Io The Enlightened bursts forth. Io The Inviolate formalises its centre. Io Who Sees All senses beyond. Aware.

The power gathers itself to itself. Io The Passive motivates. Io Who Senses All sees its own heart. Io The Source Of All Growth is a seed. Io The Source Of All Wisdom resounds. Io The Limitless breaths. Io The Boundless is the breath. Io The Source multiplies. Lo and behold, Io establishes its core.

The High-altar-priest rises Trandscending to the eternal Anchored within is creation, established is its bloom Opened is the eye of the heart! The taproot of understanding shoots forth It grows to the light, bountiful, flourishing It germinates and multiplies! The initiated power descends through the intangible cord The pure essence descends and is bound forever My formless core is raised, my physical form remains I am released, free – the power of creation permeates Transformed into nature, carried by the first born sons Nurtured by the priests, by this humble conduit Whose heart has been attested The axe is raised! Joined! Consent given! Agreed!

It is a centering beyond time and space

It is a centering beyond time and space. In the core. As it is with a seed, within whose tiny pith lies the majestic tree. Through anchoring will something come to be in the Nothingness. In the cherishing womb of the Great Nights Of Birthing. In the radiant light of the world. Within its core lies the essence of all things.

The force of creation abounds, it is the essence of the All The vitality is imbued, transformed into the spiritual by The Word The power is anchored, transformed into the physical by Nature My inner core is humbled, inner recesses anchored, my being protected I am untainted, purified, free! I swell with your presence, I’m charged by your light Peace replaces doubt, knowing replaces intellect I am the bloom of creation, endlessly created, bound and boundless! Through flawless concentration, through single point focus Absolute, irrepresible, connected! The light shines, illuminates, the sun and the moon Let this all come to be in fulfilment Joined! Consent given! Agreed!

Io re-anchors and braces itself. It is empowered. Focused. It grows and gives life. It re-centres again and again. It gathers itself to itself again and again. It ignites and is ignited, illuminates and is illuminated. It sanctifies and is inviolate. It enters its core. And as an atom splits and multiplies, it reproduces itself. Its active essence comes into being.

An essence from which the elemental stuff of existence will be born. Within its virile form lies the heart fabric of the skies, ignitor, protector, energiser, motivator, the stance of the male. And through this base will the template of the male, exemplified by the Protective Sky, come to be.

The sacred Learning Assembly opens The humble student is motivated The male teachings resound The female teachings resound The spirit is committed, like the posts shoring up the sky The spirit is devoted, like the overseers of nature Let my devotion be confirmed Let my commitment be a beacon It is up to each of us to hold fast to the post Proceed! Proceed! Let the axe be lifted! Joined! Questioned! And consented to!

Again Io recreates itself. It rebalances and is invigorated, it refines its quintessence, it reignites, extends, evolves, conceives, speaks, and as balance maintains its centre it produces the passive form of its essence. The core of the female. The nurturing mother. The birthing womb. Within its passive form lies the rudiments of the female, peace-making, guiding, fostering, sheltering, the stance of the woman. Through this base will the way of the female, exemplified by the Far Spread Land, come into being.

My head is adorned with the sacred knowledge of Io It is bound within, without, above and below It is joined to the base It anchors my essence, my core, my topknot, my source It enlivens me, humbles me, binding the knowledge to me An ancient knowledge, enduring, chiselled to my brow Bound to me is the word born from the single command of Rehua Like the sky moved by Tāne, like the land sought by Tāne Fought for by incantation, through the middle and side The battles raging through the skies bringing fear to all! Bind it to my essence, bind it to my core Bind it to my quintessential being Bind it fast, to hold! Proceed! Proceed! Lift the axe! It is bound! Questioned! And answered!

The anchored active base is established

The anchored active base is established. The braced passive base comes into being. The active base is male; from it will be born The Sky Who Protects All. The passive base is female; it will produce The Land Who Embraces All.

From the Active is born the imprint of the male From the Passive is born the imprint of the female And the source searches, and follows, and conceives of itself, It develops, is empowered, to become a thought To become a mind, to desire, knowledge and wisdom Clarity of knowing, to become form, to be given breath and life To achieve it, to be animated by it To produce time, to produce space The Night Of Gestation The Great Night Of Gestation, The Long Night Of Gestation The Laden Night Of Gestation, The Layered Night Of Gestation The Intuitive Night Of Gestation, The Demanding Night Of Gestation The Night Of Unseen Connections, The Night Of Sensory Perception The Night For Turning Away, The Night For Turning Towards The Night Of Metamorphosis, The Night Of Becoming The Nurturing Conception, pregnancy The swelling, the increasing, the enlarging The expanded, the extended Movement down, movement up

The Great Power again initiates itself, igniting its energies, causing its essential force to flow and fuel creation. As a leaf seeks the sunlight, it searches and senses, following its inner energy, instinct, motivation. Its sanctity, its fuel and its source, it blueprints into every single atom that will become a universe.

I journey with Tāne The uniter, the skymaker, the learned My essence is bound and expressed My core is tested and assessed! My commitment is equal to that of Tāne who shored up the sky And produced the many levels that motivate yet humble us Let my motivation shine, my devotion enlighten My light be as a beacon! I climb the skies to the waters of Rongo I immerse myself and am cleansed I enter the topmost sky to its open courtyard And am greeted by the multitudes of highborns Those who have conquered the unknown! I am bound to the essence, the core, the base! Hold fast the sacred knowledge of Rangiātea The first, second and third levels, join them fast! Link them together! Proceed! Proceed! Lift the axe! Joined! Questioned! And consented!

That atom, at once single, dual, multiple, is conceived. It grows and swells. It energises its spaces. It longs with an intensity beyond desire, to give body to thought. A thought that begins in the mind of The Nothingness. Thought is empowered. To take root. In the space of the mind. A blueprint. Attested and bonafide. Clarified. Embodied. Life giving. Acquired. Animated is the face of creation. Producing time. Producing space.

The Night and its mantles emerge. Its procreative power permeates and endures, endlessly. It’s a night pregnant with possibilities, intuitive, full of itself. Receptive yet demanding. Layer upon layer. Infinite connections all unseen. Sensory perception only. Feeling only. Nurturing waters, amniotic, that promulgate metamorphosis to give bloom to creation. A night of unlimited potential. The natural womb of the the Nights of Gestation.

The Night is potent and fertile. It conceives, pregnant with creation. It swells. It increases. The womb of the Night expands. Its creative power extends. Io The Base stabilizes its force, its reverence and sanctity, its heightened motivation. Its authority and sacredness find form in its quintessential vitality. The critical characteristics of Ranginui the male and Papatūānuku the female are embedded. Characteristics born from the active element and the passive element. Born in turn from creation’s foundation. As Io The Omnipotent masters itself. Ranginui encapsulates the male. Papatūānuku chrystalizes the female, the birthing house of people. The pair create the world.

The beam of humility is bitten by this devoted adept Bite the beam, bite it, and know humility, be humbled Be gracious of heart as I bow, know peace of mind in devotion In facing physical and spiritual challenges set forth by Io Who Acquires! Follow Tāwhaki’s journey from earth to sky, though difficult and unforgiving The fruits are abundant and enduring, like the widespread sacred waters That flow through the skies, feeding the multitudes, born from Io The Animated! Uplift this acolyte physically and spiritually I am untainted and without blemish, yet insignificant and small Tested and humbled at the beam, I am the offspring of Tāne Lightbringer Bite the beam hard! Bite it! Proceed! Forth! Lift the axe! Be joined! So be it! It is consented!

Rangi and Papa hang together in the current of the Nights of Gestation

Rangi and Papa hang together in the current of the Nights of Gestation. Ranginui is above, Papatūānuku is below. They see each other. Despite the space between them, despite the depth of the darkness and the endless layers of night, their desire to come together is strong. They turn to face each other and breathe the other’s breath, to look after the other’s essence. This is the embodiment of love. Unconditional love is the sacred bloom of Io.

It is is gentle current, a peaceful flow from the origin of water A fount, a pool, fertile and nurturing belonging to Io The Wellspring Let me be caressed by the cherishing waters of the earth May I be invigorated by the virile waters of the sky It is anchored and holds fast. Held! Raise the axe! Be joined! The question asked! And agreed to!

Tūmatauenga o te mau

Tangaroa o te rere

Rongo o te whāngai

Tāne o te pepeke

Tāwhirimatea o te huri

Haumiatiketike o te hora

Whiro o te hohoro

Ruaumoko o te kaha e

Nō te kākano i ruia mai rā i Rangiātea

Tukua te kākano kia rere kia hua

Ahorangi 2026