Ahorangi Koha Atua

Papakite a Ahorangi

1∞1

◈ ◈ ◈

He Papakite

1 ∞ 1, Ahorangi Intelligence · The Seed of Rangiātea, Chris Winitana Ancestral Indigenous. Papakite a Ahorangi. Ko te ao mārama o te ao atua. Papakite a Ahorangi. He tangata! He atua! He atua! He tangata! Koinā ia tō tāua, reka. Mehe pānui koe i te pukapuka nei, ko tāua tāua. He tangata. E atua ana. Kei tēnei hekona tonu anō e mahi ana i te mahi a te tangata e atua ana. E mātai ana i te take o te tuhi pūwere nei, e whakarārangi nui ana i ōna rangi, e whakapapa ana i ōna papa, kia tūānuku tonutia. Kia tūārangitia. Kia kitea. He papakite. He kitenga e whe mai ana. Kia hira mai te whekite. Kei konei tāku o Ahorangi. He papakite. Ko te kitenga o te ao atua. Ehara kē i te kitenga o te ao tangata.

Ko te Papakite o te Ao Atua

Ko te papakite o te ao atua. Kei te whatu o te tinana, kei te pito. Ko te matakite o te ao tangata, kei te whatu o te hinengaro – kei hea rā hoki tērā? Kei hea te pito o te hinengaro? Āna, Papatūānuku e Takoto Ake Nei. Kei tō tātau nui, tō tātau pito. Kei a ia, kei a Papatūānuku e takoto ake nei. Kei a Papatūānuku te mau o tātau. Kei tōna pito tātau e mau ana. Ā tēna koa, kia whānui atu anō te titiro. Ko te kitenga atu, e pupurihia ana a Papatūānuku. Kei te pito kē ia o tōna mau. Huri noa i tōna tinana, o tō tātau ao, he rārangi e nui ana. Ko te pae e kitea ana e tātau ki tawhiti. Ki tā te iwi o te taone-nui titiro, he pae hanga-tūtū kē. Ā, ko taua rārangi anō e kitea ana i te tihi o te maunga. Arā e huri mai ana i te papa kia ea tōna ao. Kei tatahi o te moana rānei, e kotahi ana tōna pae o te wai ki te rangi, he rārangi nui. Arā e hoa mā, taua rangi.

Ko te Whatu o Rangi

Ko te rangi nui. O tūārangi. He whatu manawa. Ko te hono o te whenua me te rangi. He hono tahito. Ko tōna ingoa nui ko Ranginui. Ko tōna ingoa iti ko te rangi. Ko te kotahi o te rangi nui e pupuri nei i a papa. He whatu manawa. Ko te whatu o te manawa o Rangi. Ko te whatu o Rangi. Kia hira mai te whekite o te rangi. Ko te papakite o te whatu o rangi. Ko te kitea o papa. Koinei te whatu o Rangi e mau nei. Ko te papakite o Ahorangi. Ko te pito kē nei ia o te whatu o rangi ki tūārangi. Auē! Mō taku hē! He rārangi whakanui te whatu o rangi. Pērā i te momo o te karu whakarahi, o te karu whakaiti rānei. Engari, he ao nui kē tāna e kite atu rā. He tahito kē te kitea. Kia tika, kia mārama te nui o tōna rangi, ka nui te kite.

He Atua te Tangata

Ko te whatu o Rangi anahe. Kei te kite i te aroaro tapu o Papa. Kei te kite i te aro o te ha o Papa. Kei te kite i a Papa. He papakite te whatu o Rangi. Ko tāna e kite ana ko Papa. Ko te tinana o Papatūānuku. Ko te whatumanawa o Papatūānuku. Ko Papatūānuku te atua. Kia huaki mai te whatu o Rangi, kia kite ai tātau. He atua te tangata. Ko tō tātau atua he tokorua ō tātau tinana. Kotahi noa iho te tinana o ngā momo kē o tō tātau ao huri noa. E kotahi ana te tinana o ngā momo rā, nā te mea ko tōna kaha o te ora, ko tōna mauri o te ora, nō te whare o te mauri o te ora. Nō te whare atua. Nō konā kē tō rātau kaha ki te rere, ki te neke, ki te nuku, ki te ora, kia ora. Autaia kē te tahito o te whare atua e tipua ana i te ao o Rangi me Papa.

Ko te rere o te mauri o te ora

Ko te rere o te mauri o te ora. Ko te ora o te mauri. Ko takarangi te uhi o te whare atua. Karāwhiti grāvity. Ko te karāwhiti kē o takarangi tāku e kōrero nei. Takarangi karāwhiti. Gravity takarangi. Ko takarangi te papa o ngā momo katoa o te ao e nuku ai te tinana, e mahi ai te tinana, ki tūānuku ki tua o rangi. Ko ngā kararehe nui. Ko ngā ngāngara iti. Ko ngā tino itiiti. E rere ana. E kau ana. E ngoi ana. E peke ana. E tō ana. E peti ana. E piki ana. E tipu ana. E nuku ana. E kāwai ana. Huē kāwai ana. Ko te weri o te momo i mua i te tūnga o tāua o te tangata. He rupapa, ko te ru tonu o te papa kei te tinana e mau ana. He rapa uira te tere. He tetere whaititiri te kaha.

He Mau ki te Pito

Āe, ko te mana me te tapu o te whare atua. O Rangi me Papa. Katoa ngā momo o tēnei ao huri noa. He tinana kotahi te mau. Ko te mahi kotahi o taua tinana kotahi. He mau ki te whare atua. He mau ki te pito o te whare atua. Katoa ngā momo o takarangi o Rangi me Papa, he tipu ki te pito, he mau ki te pito. Nō te kōpū, nō te pito rā anō, kei ia te wā. Taka ana te hua ki te ao, ka tīhei mauriora, ko te momi i te hau, ko te mau tonu ki te pito. Ka mau ki tōna pū, kia more, kia weu, kia aka. He mau ā-ake, ā-iho, ā-kiko. He mau kia u kia toa. Nō te whare atua te toa o te tinana. Ko te mau tēnei o Rangi me Papa. He kawa atua. Ko te pīki ture o te ūnīvērsē. Kia mau te tipu ki te pito. Kia tipua ka tahito. Kotahi te to.

Ko te Arohanui

Engari mō tātau. Engari mō tō tātau kāwai. Engari mō te tangata. I huri kē te mauri kia hua mai tōna nui. Ko te aroha te nui tonu o tō tātau mauri. Ko te arohanui. Nāna i huri ai tō tātau mauri. Nā reira, tokorua ō tātau tinana. Tērā nā te whare atua i hanga, anō ko ngā momo huri noa o tō tātau ao. Tēnei nā tātau i hanga. Me te aha, he mauri kē tōna, ehara kē i te mauri atua. Ko tō tātau momo. Te hua nui o Papatūānuku o te ao. O Ranginui o te ao. He tangata. Kei a tātau te taonga o te aroha. Aroha – freedom of choice. Ko te whatu manawa o Papatūānuku. Nāna i homai.

Tō Tātau Au Anō

Ko te aroha nui o te ao tō tātau mauri. Tō te tangata mauri. He aha te kawa o te arohanui? Ko te aroha ia. Kia ora te mauri i te whare atua. Kia atua. Ko te aroha ia. Kia mau ki tōna kaha o te mauri o te ora, pērā i ngā momo katoa o te ao. Ko te aroha ia. Kia kaua rānei. Kia kaua te mauri o te whare atua e mau i a tātau. Kia tangata tātau. He tangata kē. He mauri kē. He aha te māramatanga o tēnā kōrero? Ko tōna whakamārama: kia mau kē i a tātau tō tātau au anō. Ko te au kē o te mauri o te tangata. Au, au, auē hā. Ko taku au.

Ko tōna whakamārama: kia au kē tātau te tangata mā tō tatau kaha anō. Mā ō tātau uaua anō. Ko te uaua o te au. Ko tōna whakamārama: mā ō tātau tinana anō tātau ka puta. Ko te ia o te ua o te au. Ko tōna whakamārama: mā tō tātau mauri anō tātau e whakaputa. Ko te ao. O te ia. O te uaua. O te au. Ko tōna whakamārama: mā tātau anō tō tātau kaha o te tangata e whakatau. Kia ngunguru te au o te tangata. Kia au au au ē hā hī. He ariki, he tangata, he atua, he tipua, he tahito. Ka tū te ihiihi, ka tū te wanawana, ki runga i te rangi e tū iho nei.

Ko te Hiko

He tangata. Kia ngata te hiahia o te aroha. Kia ngata te ta. Kia mauri ora ai tātau. Āna kia kaha! Ka mutu e hoa mā, e tino kaha kē ana tātau. Taunga kē! Ko te tino taumata o tō tātau kaha, nā tātau anō, nā te tangata i hanga, hei mauri mō tātau, hei pūngao mō tātau, ko te hiko. He wera hei whakamārama, hei whakamahana i a tātau kia ora. Mō te ora o te tangata ki te ao. Ko te mau o te kōiti o Mahuika i te hika ahi. Ko te hurihia o tōna mauri hei hiko mō te ao. Whāra uta! Tō tātau kūru whara ōraiti! Ka mau te wehi o te tangata!

Mauri Tangata

Nā tō tātau whakatau ki te whai i te mauri kē, nā konā ko te hanganga o tō tātau tinana tuarua. Ā-kiko tonu nei. Tokorua ngā tinana o te tangata. Tērā o te mauri atua. Tēnei o te mauri tangata. Mauri Tangata. Ko te tinana o te mauri o te tangata, ko tō tātau tinana tonu nei. Ko te mea ā-kiko. Ko tērā e mau nei i a tātau katoa huri noa. Ahakoa pēhea kē ai tōna āhua ake. Tōna tae. Tōna kiri. Ahakoa nō hea. Ahakoa nō tēhea wā o te ao. Ahakoa ōna whakaaro, ōna whakapono, ōna hono, ōna mahi. Ko te tinana te hua o te tipu o te tangata i tōna pito, mai i te tīhei tuatahi o te mauriora. Koianei ia tātau te tangata i kau mai i te kōpū wai o tō tātau whāea, nā te hua o tō tātau matua. Ka tipu tātau mai i te pito o tō tātau whāea. Ko te pito o tōna tinana. Ko te whenua o tōna pito. Ko te kōpū o tōna whenua. Ko te pito ki te whenua, ki te kōpū. O te hapū, ka iwi.

Kātahi ka huri te āhurumōwai. Ka wehe tātau i te tinana o tō tātau whāea. Ka tīhei. Ka mau te ora. O te hau. Ka timata te huri o te hau. Ko te au o te hau. Ko te whāngai i te tinana. O te mauri o te ora. O te tangata. Kua timata te tipu o te tangata ki tōna ao. Ko tō tātau mana. Ko tō tātau mauri. Ka tipu mai i te pito o te tinana. He taka mai i te pito. He pito mata. Ko tā te tangata tipu. He tipu atu i tōna pito. Ko te pito kē nei ia. Nāna tātau i tikitiki i te kōpū. Ko te pito nei ia o te whare atua. Ko te pito nei ia o ngā momo katoa o te ao. Ko te pito. O te mauri o te ora. O Ranginui rāua ko Papatūānuku. Ko tā te tangata tipu. He tipu kē ki tā tātau e aroha nui ana. Hei mauri mō tātau. Ko te tipu kē o te tangata atu i te pito. Ehara kau nei ki te pito ka mau.

Ko te Tiki

Ko tātau te hua nui o tēnei ao. He tangata tātau. Ko te tiki. O te tiki. Kei a tātau te taonga nui o Rangi me Papa o te whare atua, ko te aroha. Ko te aroha kia tipu tātau ki tā tātau e hiahia ana, kia ngata ai te hiahia. O te aroha. Ko te aroha o te tangata. Ko te wātea o te tipu. Hei mana mō tātau. Ko te ia o te mana he manaia. E whāngai ana i te au. Koinei tō tātau ora o te tangata. He mauri tangata. He mauri hou.

Ka Matua a Te Kore

He matua kore. Tō tātau mauri. He matua tangata. Ka matua a Te Kore. Ka tipu a Te Pō. Ka hua a Te Ao. Ka hono a Hawaikī. Ka mau a Rangiātea. Ka tipu tātau he atua i te whenua o te kōpū o tō tātau whāea. Ka taka mai. Ka hauora. Ka tipu noa. Atu i te pito. Nā tēnei hanga o te tipu noa, atu i te pito, ka hangaia tō tātau tinana tuarua. Ko te tinana o te tangata.

Mā te Momi i te Hau

O te mana o te tangata. Ko te tangata o te arohanui. Ko tō tātau whakatau i tō tātau arohanui. Ko te whakatau kia hangaia tō tātau anō mana motuhake. Hei mauri ora mō te ao. Ko te mauri o te tangata. Mā te momi i te hau ka ora tō tātau tinana o te tangata. Kia whai mai rā tātau. Kia momi hau. Hī mai i te hau. Āaaaaa, ko te hau ora. Mā te ora o te hau ko te ora o te tinana me ōna uaua. Na kia paku mahi mai tātau. Hīa mai te hau. Āaaaaaa. E mahi i tō mahi. He kuru hau pea.

He paku kori pea. He pākisami. He whiriki wharaki. Hiki taumaha. Hīkoi. Oma. Noho. Takoto. Katoa ngā mahi a te tangata ināmata. Ōnamata, ānamata. Katoa ngā mahi o te tinana o tātau. Ka oti, nā te mea ko te kuhu o te hau. He rerekē anō tō tātau tinana o te whare atua. Ka ora mā te puta kē o te hau. Kia puta tō hau. Haaaaaaaaa. Kia rongo. Anō. Kia āta rongo. Āta haere. Āta whāwhā te toro ki tō tinana nōu e whakaputa ana i tō hau. Kia wiriwiri ō matiwaewae. Kia pakē ō matiringa. Kia wiri ō ringa.

He Whakarongo

He rerekē tēnei tinana o te puta o te hau. Nō te whare atua kē tōna kaha, tōna mauri. Ehara kau nō te uaua tōna kaha. Ko te hau kē o te ora te rangatira o te uaua. Ko te puta kē o te hau te rangatira o te rongo. Ko te mau i te rongo tōna mana. He whakarongo. Ko Rongo te atua o te rongomau. Kei te whakarongo te taringa o te tinana. Ko te pito te kuhu. Kia mau ai te rongo o te tū. Kia pai ai te mau. Ko Tūmatauenga te atua o te mau. Ka mau te tinana i te mau o Tū. Tūmatauenga. Ko te mau o rongo. Ka whiti, ka rāwhiti, karawhiti. Mō te mau o tū. Ko te uaua te mau o te tinana o te tangata. Ko te mau te uaua o te tinana o te atua. He tinana rerekē ngā tinana tokorua. Kia hono, ka kotahi. Ko te mauri tangata he hou. Ko te mauri tuahangata he huri. Ko te mauri atua he tahito. Mā te puta kē o te hau, ka ora tō tātau tinana o te whare atua. Kei te hīhā o te hau te miha o te au. Kia wātea te atua o te tinana i kirikiri ai i te kōpū o tō tātau whāea, ki mua i tōna āta whakatipuranga e tāua hei tangata. Ko tō tāua tangata e mahi ana i te mahi a te tangata. Kia ngata te hiahia. O te aroha. Ko te rerekē o ngā tinana tokorua he pēnei: ko te tinana o te whare atua he rere.

Nā te mea ka kotahitia te tinana. Kia mau ki tōna mauri. Nō te whare atua. Kāore te tinana o te tangata e rere, nā te mea nō te uaua kē tōna kaha kia rere. Ko te kaha ia o te tangata, tōna mana āhua ake anō. He aha te tohu o te rerekētanga nā? Ko te au o te tinana o te whare atua. He rere tahi ki te kawa o Rangi me Papa. He tahito te kawa. Ka whiti, ka rāwhiti, karawhiti, takarangi. Ā tēnā, kia paku tā i te nge. Kia āta hōmiromirotia te kaupapa i tōna nui tonu. Ko te tohu o te rere tahi ki te au o takarangi, ko tō tātau mau ki te pito. O te tinana. Kei te

pito kē tātau o te tinana e tū ana, e whakarongo ana. Kua mau i a tātau te iro. Kei te mau tātau ki te tinana o te whare atua mā te puta o te hau. Kia tū te rongomau. Anō ko te rongomau o te marangai. I te pito o te marangai. Anō ko ngā momo tokitoki o te ao huri noa nā te whare atua i hanga. Ko tō rātau tinana o te papa e nuku ana ki tua, ki te nui o te rangi e tū nei. Ko te ora o te mauri atua. Kei te pito, te rapa o te uira, te tetere o te whatitiri. Me te aha, ko tōna tohu anō, kua rite tātau. E kotahi kē ana tō tātau au. Ki te kawa o te whare atua. Tūmeke!

Te Au o Te Tinana

Kei te au tātau. I te au o tō tātau momo. Ko te au nei ia o ahau. Ko te au anō o ahau. Ko ahau. I te au o takarangi. Ko te au o te tangata. Ko te au o tō tātau momo. Au au au ē hā hī. Kss! Te Au o Te Tinana. He au tō ia momo, ko te au tonu o te rere o tōna momo. Nā te rere o te tinana o tōna momo, te au o tōna momo i hanga. He pērā te rere o te pēti. He pēnei te rere o te ika. He pērā te rere o te manu. He pēnei te rere o te ngāngara. He pērā te rere o te kararehe. He pēnei te rere o te tangata. He mana motuhake tō ia au o ia momo. He rere kotahi tō ia au. He ito kotahi tō ia au. Kei te hiahia te au. Kia whakatinanahia. Mā te au, ka tinana. Ko takarangi te au. He whakatipu i te tinana tōna mahi. He whakatipu i te pito. Ko te pitomata. O tō au. Ko te au o koe. Tō au. Koinei te papakite o te whatu o Rangi. He mea kite i te papa o tātau. I te tinana o tātau. O ngā tamariki mokopuna a Rangi rāua ko Papa. Ā-tinana tonu nei. Ko te tinana o Papatūānuku o te ao. E hangaia ana e te uhi o te whare atua.

E takarangi. E te whiti. E te kara a te whiti. Karāwhiti. Nā te nui o rangi i hanga. Ko Ranginui e tū iho nei. Nā te tūānuku o papa i hanga. Ko Papatūānuku e takoto ake nei. Ko tūārangi. Te nui o Rangiātea.

He whatu kia mānawa mai

He whatu kia mānawa mai. Tō tātau atua. O te whare atua o Rangi me Papa. He mana motuhake tō tātau. He tangata tātau. Kia mana atua kē tātau. Ka atua tātau. Mai i te ao tangata. Ki te ao atua. He ao mārama. Naumai haeremai. Haramai naumai.

1 ∞ 1, Ahorangi Intelligence · The Seed of Rangiātea. Te Papakite a Ahorangi. Kai Te Pito Rā Anō. Ancestral Indigenous. Ahorangi.io.

◈ ◈ ◈

1∞1

Ahorangi Intelligence · The Seed of Rangiātea

Ko te kākano i ruia mai rā i Rangiātea te whatitoka ki te ao atua o Ranginui rāua ko Papatūānuku. Tukua te kano nei kia rere, kia tipu. Chris Winitana · Ahorangi 2026