Autuī
Te Aho Books: Whatu o te manawa
Set2
1. Taku Aroha
Taku aroha taku tipu.
Anō he rākau te hono o te tipu.
Taku hono ki te whenua e takoto ake nei.
Taku hono ki te rangi e tū iho nei.
Taku hono ki te pū o taku mauri.
Taku hono ki te more o taku wairua.
Taku hono ki te weu o taku ngākau.
Taku hono ki te aka o taku hinengaro.
Taku hono ki te rea o taku tinana.
Taku hono ki te wao o taku whānau.
Taku hono ki te kune o taku hapū.
Taku hono ki te whe o taku iwi.
Taku hono ki te ao mārama o aku tīpuna.
Taku rākau e, taku whakapapa e.
Taku whakapapa taku aroha.
Taku aroha taku tipu.
Ko te pū, ka more, ka weu, ka aka, ka rea, ka wao, ka kune, ka whe ie.
My Aroha Love
I grow my aroha.
Like a tree grows.
I join to the land.
I join to the sky.
I join in the core.
I join in the spirit.
I join in the heart.
I join in the mind.
Grow in the body.
Do in the family.
Together with cousins.
Tied by blood and bone.
My ancestral connections.
My tree of lineage.
My ancestry of aroha love.
How I grow my aroha.
In the people of me.
The seed of aroha.
2. Ka Rongo
Ka noho au i te rākau, ka rongo i te mauriora o Tāne.
Ka noho au i te hau, ka rongo i te hauora o Tāwhirimatea.
Ka noho au i te wai, ka rongo i te waiora o Tangaroa.
Ka noho au i te kirikiri, ka rongo i te whāngai o Rongo.
Ka noho au i te ahi, ka rongo i te mau o Tūmatauenga.
Ka noho au i te kotahi o te hau, o te wai, o te kirikiri, o te ahi,
ka rongo i te hora o Haumiatiketike.
Ka noho au i te tinana, ka rongo i te ao mārama o Whiro.
Ka noho au i te pito, ka rongo i te aroha o Ruaumoko.
Ka noho au i te ao, ka rongo i te rangi e tū iho nei.
Ka noho au i te ao, ka rongo i te whenua e takoto ake nei.
Ka noho ahau, ka rongo i a Ranginui e tū iho nei.
Ka noho ahau, ka rongo i a Papatūānuku e takoto ake nei.
Ka noho, ka rongo.
I Feel
When I sit with the tree I feel the vibrancy of Tāne.
When I sit with the wind, I feel the breath of Tāwhirimatea.
When I sit with the water, I feel the elixir of Tangaroa.
When I sit with the earth, I feel the care of Rongo.
When I sit with the fire, I feel the hold of Tūmatauenga.
When I sit with the wind, water, earth and fire, I feel the one of Haumiatiketike.
When I sit with myself, I feel the intelligence of Whiro.
When I sit in my core, I feel the longing of Ruaumoko.
When I sit in my world, I feel the sky above.
When I sit in my world I feel the earth below.
When I sit, I feel the skyline of me.
When I sit, I feel the earthcircle of me.
When I pause, I feel.
3. Taku Rākau
He rākau taku hoa haere i te ao.
Haere ai au ki hea, haeretahi mai rā taku rākau.
He peka rākau noa iho taku rākau engari hei aha māku.
Kia mau i a au taku rākau, ka tuahangata.
Āna, ka atua au i te mau o taku rākau.
E waru ngā mahi nui a taku hoa.
Hikaia te rākau kia mau te ahi.
Kokoia te rākau kia mau te kai.
Tīhorea te rākau kia mau te kaka.
Hāpaitia te rākau kia mau te hoariri.
Koropupūtia te rākau kia mau te rongoā.
Tahuna te rākau kia mau te tā.
Pākurua te rākau kia mau te waiata.
Akona te rākau kia mau te ora.
Taku hoa haere, taku ora.
Taku rākau.
Taku mau.
Taku atua.
My Stick
My stick is my best mate in the world.
Wherever I go, it comes with me.
It’s just a tree branch, but it’s my mate.
When I grip it, I power up.
I go beast mode super ninja.
My mate the stick does eight things.
Rub it, make fire.
Sharpen it, make food.
Peel it, make clothes.
Hold it, make safe.
Heat it, make medicine.
Burn it, make pictures.
Tap it, make music.
Teach it, make thrive.
My mate the stick, my tool.
Stick tool.
Holy stick.
Holistic.
4. Pirita
Hoake tāua ki te wao tū nui a Tāne.
Ki tērā o ana mokopuna ki te Pirita.
Māna e tohu mai me pēhea rā te tangata e whakapiri.
E tā, e tā, whakapiri mai, whakapiri mai.
He piringa maunga e tū mai rā.
He piringa awa e tere mai ra.
He piringa roto e kōpū mai rā.
He piringa iwi e whakapapa mai rā.
He piringa hapū e whenua mai rā.
He piringa whānau e iho mai rā.
He piringa tangata e pito mai rā.
E tā, e tā, whakapiri mai, whakapiri mai.
Pirita pipito e, pirita pipiri e, pirita e.
Stick Together
Let’s go to the forest of Tāne.
To his grandchild the Pirita tree.
Who shows how to bring people together.
Stick together people.
Stick to the mountains that stand forever.
Stick to the rivers that flow forever.
Stick to the lakes that grow us forever.
Stick to the tribes that connect forever.
Stick to the subtribes that ground forever.
Stick to the families that thrive forever.
Stick to the people in the center.
Stick together, stick together, forever.
Hold in the middle hold in the core.
Hold in the center till we can’t hold no more.
5. Tīhei Mauriora
Kei ngā tamariki mokopuna o te rangi e tū nei.
Kei ngā uri o te whenua e takoto nei.
Kei te kāwai tangata a Ranginui rāua ko Papatūānuku.
Tīhei mauriora i te wheiao ki te ao mārama.
Ko te mauri o Rangi me Papa ka heke.
Ko te mauri ka moe i te kohatu.
Ko te mauri ka moemoeā i te rau.
Ko te mauri ka oho i te manu.
Ko te mauri ka noho i te tangata.
Ko te mauri ka ora i te aroha.
Ko te aroha ka hono i te wairua.
Ko te hono he tikitiki nō te mahunga.
Ko te aroha ka tāmau i te kōiwi.
Ko te aroha ka kotahi i te heru.
Ko te aroha ka tapu i te kura.
Nei rā te kura o te rangi me te whenua.
Tīhei mauriora e.
I Stand To Speak
Children of the sky above.
Grandchildren of the earth below.
People of planet Earth.
Rise to our world of light.
The mauri life force of Sky and Earth falls to us.
It sleeps in the stone.
It dreams in the leaf.
It awakens in the bird.
It lives in the human.
The mauri life force of Sky and Earth binds with aroha.
It joins the spirit.
Like the sacred topknot to the head.
It holds in the bone pin.
It unites in the carved comb.
It lightens in the white tipped feather.
My treasure of Sky and Earth
My life force, tīhei mauriora, I stand and speak.
6. Tāwhirimatea
Ko ngā waiata me ngā wawata a ōku mātua tīpuna.
Kua whakairohia e te hau ki runga i te mata o te whenua.
Uhia ana ngā taumata, whaohia ana ngā tihi
E Tāwhirimatea te atua o te hau.
Aku waiata aku wawata nō tua ka heke, ka heke, ka heke.
Anō he roimata e māturu ana i tōna waipunarangi.
Ka heke te kupu, ka heke te rangi, ka heke te tukupu.
Ko te mau o te wawata, ka auē, ka tangi, taukuri e.
Aku waiata aku wawata nō tuawhakarere.
Ko te ao tahito o ōku mātua tipuna.
E kotahi mai ana ki ahau.
E atuareretahi mai ana ki ahau.
E whakaaomārama mai ana i ahau.
He tuhi nō te hau, he tuhi nō te ngākau.
He tuhi nō te rangi e tū iho nei.
E te hau e takarangi mai nei, ue ue uehā!
God of Wind Tāwhirimatea
The songs and dreams of my people
Are carved on the face of the land.
Upon the summits and highpoints
Chiseled by the god of winds Tāwhirimatea
My songs and dreams pass down
Like rain tears from the eyes of the sky
Word and tune hold world and verse
Which bind me to their hearts
The songs and dreams of my ancients
The world of nature of my people.
Coming together in me.
Growing in the flow of me.
Making my world of light.
The wind writes his heart upon the sky
Ranginui cries, and falls to earth.
7. Houhi
Hoake tātau ki te māra tapu a Tāne
Ki tērā o ana mokopuna ki te Houhi
Māna e kōhimu mai me pēhea te hou i te rongo
Ki te uma o te whenua
Mai i te whenua ki te rangi
Heke iho mai i te rangi ki te whenua
Ki te tangata
Ki te whānau
Ki te hapū
Ki te iwi
Ki te waka
Ki Hawaikī
Ki Rangiātea
Ki te kākano i ruia mai rā
Hourongo, hohourongo, rongohou
Hawaikīhou, Hawaikīharamai
Rangiātea...ki te kākano rā anō
Houhi Lattice of Love Tree
To the forest of Tāne I go
To his grandchild the Houhi tree
To learn the secret of peace making
By anchoring it to the bosom of earth
To lattice to the sky
And back again
An embroidery of aroha for me
For the family, whānau
For the big family, hapū
For the really big family, iwi
For the super really big family, waka canoe
For the one of Hawaikī
For the one of Rangiātea
For the seed sewn
Peace made new
Hawaikīhou, fill to the brim
Hawaikīharamai, here I come ready or not
Rangiātea, complete, with the seed of aroha
8. Aku Waewae
Aku waewae, aku rerarera, aku pīkari, aku pīkaro
Rapia te whenua kia tutū te puehu kss auē hi hā
He tāpīkari, he tāpīkaro, he tī he tū he tā
Ko te tuhia o te whenua ki te tuhi o Rangi
Aku waewae tuhirangi, aku rerarera kōrero
Hawaikīpepeke, ko te kotahi o aku pōnāturi
Manawatāne, ko te kotahi o aku uaua
Atuareretahi, ko te kotahi o taku tinana
Aku waewae hei tūrangawaewae
Turi whatia hī hā kss auē
He matikari he matikaro he pīkari whenua
Mā te tī o taku tū ka tō taku tā
Ka tū ka tō ka tau, tutū mai ana te puehu
Titī tutū tatā!
My Legs
I dance like a bird, legs primping and preening
Feet scraping the ground to raise the dust high yipee
Drawing prints on the land, dancing footprints
For RangiSky to see and celebrate with me
My feet draw sign, my legs hold lineage
My joints move as one, like a salmond leaping waterfalls
My muscles move as one, like the sentinel I am
My body moves as one, like the child of Sky and Earth I am
My legs hold my ground
My spread holds my sound
My toes balance my earth
My earth holds my turf
I stand to the sky and raise the dust high
Pitter patter, pitter patter, raise the dust high
9. Te Ira Atua
Ko Te Kore te pātaka kai a Ranginui rāua ko Papatūānuku
E whā ngā kai o te pātaka a te tokorua tūtahi
Ko te hau, ko te wai, ko te kirikiri, ko te ahi, he tipua
Noho ai ōna tipua i te tukupu hei whāngai i ōna manuhiri
Ko Te Pō te kāuta kai a Ranginui rāua ko Papatūānuku
Ka kohikohia ngā kai e whā e hiahiatia ana
Ko tōna hiahia ki te hau, ki te wai, ki te kirikiri, ki te ahi
Ka whakaritea tōna ira kia whakatinanahia
Ko Te Ao te umu kai a Ranginui rāua ko Papatūānuku
Koia tō rāua umutaoroa o te ao mārama kia maoa te kai
Ko Te Ao o Rangi me Papa te whakatinanahanga
Ko te hanganga o te tinana te hua o te umutaoroa
Ko Hawaikī te reka o te kai a Ranginui rāua ko Papatūānuku
Ko te atuareretahi o te tinana i te kotahi te tohu o te reka
Ko te pito o te tinana kei te mau ki te reka o Hawaikī
Mā te uruuruwhenua, ka oho te reka, ka mau
Ko Rangiātea te kākano o te kai a Ranginui rāua ko Papatūānuku
Ka mau ki te pito o te tinana, ka uru ki te kākano i ruia mai rā
Ko te kākano ia o te ao atua o Rangi rāua ko Papa
Ko te kākano i ruia mai rā i Rangiātea
Ko te ira atua o tātau, kei te pito rā anō o te tinana
Huakina mai te tatau o te whare
I Te Kore, ki Te Pō, ki Te Ao, ki Hawaikī, ki Rangiātea
Uie Tāiki e
Te Kore the big potential, is the foodstore of Sky and Earth
It has four foods
Air, water, earth and fire
They host all guests
Te Pō the big night, is the kitchen of Sky and Earth
The four ingredients are put together
A gust of air, a drop of water, a ton of earth, a melt of fire
To make everything that is
Te Ao the big world, is the oven of Sky and Earth
It’s where everything is cooked to perfection
The four foods of air, water, earth and fire combine to make life
It all its glorious forms and bodies
Hawaikī the big fillup, is the sweet of the food of Sky and Earth
It’s where the body moves as one in its sweetness
The bellybutton of the body holds the sweet of Hawaikī
Enter the center, taste the sweet, hold it good
Rangiātea the big completion, is the seed of the food of Sky and Earth
Hold balance in the centre of the body, and enter the seed sewn
It’s the seed of creation of Sky and Earth
The seed sewn at Rangiātea
The seed of nature, in the navel of our bodies
Open up the doorway to the house of nature
From Te Kore, to Te Pō, to Te Ao, to Hawaikī to Rangiātea
From the foodstore, to the kitchen, to the oven, to the sweet, to the seed
Say that again!
10. Aku Ringaringa
Aku ringaringa raweke, aku matimati matire
Aku ringaringa whitiwhiti, aku matimati whiuwhiu
Ko te tokorima a Māui, ko te whai a Māui
Ko ngā tamariki muramura a Mahuika
Kōnui, ō nui, nunui e, ka mau, ka tau, kōnui e
Māpere, āpere, perepere e, ka tohu ka tau māpere e
Kōroa, ō roa, roroa e, ka toro, ka tau kōroa e
Manawa, anawa, nawanawa e, ka rongo ka tau manawa e
Kōiti ō iti, itiiiti e, whiua ki te whenua hei ahi e
Aku ringa rehe, aku ringa toi, aku ringa o te hipitoitoi
Aku mati rere o te nui o te pere o te roa o te manawa o te iti o te kotahi
O kōiti e muramura nei, i au au auē hā kss
My Hands
Touchy touchy fingers, fingers touchy touchy
Hands down, hands up, hands on, hands touch
The five of Māui touchy fingers ē, touching everything everywhere
The fire children of Mahuika keeper of the molten lava
Thumb, big, your big, hold, bold, with a big thumbs up
Pointer finger, flickity flick, slickity slick, take your pick, make it quick
Long finger, long game, stay the stay, do it your way
Heart finger, ringring blinger, feel the deal, feel the seal
Little finger, little big bigger, fire it to the earth
Humble hands weaving strands, playing the game of their lives hiphiphooray
Fingerprints, fingers of fire, heat of the big of me, the point of me, heat of the way of me, the heart of me, the one of me
Little kōiti, humble piddly diddly, burning away in my earth, kss aue hi ha
11.Tuhi Ngākau
Ko te tuhi o te rangi te tuhi o te ngākau o Ranginui
I tōna wehenga i a Papatūānuku auē taukuri ē
Tuhi ana te ngākau, tangi ana te rangi
Ko te roimata ka rere, ka heke, ka rere
Ko te tangi o Rangi i tōna mokemoke
E ua e te ua, taheke e
Ko te hotu o Rangi i tōna mokemoke
Tetere ana te whatitiri
Ko te haka o Rangi i tōna mokemoke
Kōwhā ana te uira
Ko te mokemoke o Rangi ki a Papa
Te tuhi o te rangi e tū iho nei
Ko te pakaru o te ngākau o Rangi
I tōna arohea ki tōna whenua tuturu
Ko Papatūānuku e takoto ake nei
Tuhi ana te rangi, tuhi ana te ngākau
Taku ngākau tuhi, taku mokemoke e
Mō taku whenua tuturu e i au au auē hā
Moods
Ranginui the sky wears his heart on his sleeve
Sad at the loss of his beloved, Motherearth
Moods swing, sky cries
Tears fall and fall
The cry of Rangi in loneliness
Raintears, rainfears, rain falls down
The sob of Rangi in loneliness
Thunder split asunder, the sky falls down
The fury of Rangi in loneliness
Lightning, frightening, zigzag biting
The loneliness of Sky for Earth
The moody heart of the sky
Broken in sorrow, no tomorrow,
Yearning for the earth of him
Motherearth who is everywhere
Skysign, skyheart
My lonely heart
Yearning for my earth, sobbing.
12.Whakapapa
Taku whakapapa taku ao mārama.
Taku whakapapa taku ao kotahi.
Taku whakapapa taku hono tātai.
Taku whakapapa taku ao.
Kei taku pito taku whakapapa e mau ana.
Kei te pito ahau o taku whakapapa e mau ana.
Mai i ahau e tū iho nei, ki te ao e takoto ake nei.
Kotahi ana ahau ki taku whakapapa.
Kotahi ana ahau ki taku pito.
Kotahi ana ahau ki taku ao.
Ko te hua o te whakapapa.
Ko te hua o te hono.
Ka hono ki ngā mea katoa.
Ka hono ki a Ranginui nāna taku whakapapa.
Ka hono ki a Papatūānuku nāna taku whakapapa.
Ka hono ki ā rāua tamariki nā rātau taku whakapapa.
Ka hono ki ā rāua mokopuna nā rātau taku whakapapa.
Ka hono ki taku kāwai he tangata nā tātau taku whakapapa.
Ka hono ki aku tīpuna nō tawhiti rangi rā anō nā rātau taku whakapapa.
Ka hono ki aku tīpuna nō te whenua nā rātau taku whakapapa.
Ka hono au ki tōku ao, kia mārama.
Taku whakapapa te whakamārama.
My Connections
My connections make me.
My connections make me big.
My connections are ancestral.
I am my connections.
I connect through the bellybutton of my body.
It holds the womb of my connections.
From inside me to my world outside.
My connections make one.
My one is in my navel in the middle of me.
My one makes my world.
The bloom of my connections.
My line of connection.
My genealogy of one.
I join with Sky who makes high.
I join with Earth who gives birth.
I join with the elements who give it line.
I join with nature who give it circle.
I join with my kind who give it ancestry.
I join with my ancestors who give it history.
I join with my loved ones who give it feeling.
I join with my world of connections.
Connection I am.
13.Taku Tā
Me pēhea taku tā i te mana?
Me pēhea taku tā i te tapu?
Me pēhea taku tā i te ngākau?
Me pēhea taku tā i te hinengaro?
Me pēhea taku tā i te wairua?
Me pēhea taku tā i te mauri?
Me pēhea taku tā i te ihi?
Me pēhea taku tā i te wehi?
Me pēhea taku tā i te wana?
Me pēhea taku tā hauora?
Me pēhea taku tā i te waiora?
Me pēhea taku tā i te aroha?
Me pēhea rawa me pēhea?
Me whai i te tauira o aku tīpuna.
Taku wharepuni.
Ōnā tā whakairo mō aku tīpuna.
Ōnā tā kōwhaiwhai mō aku tīpuna.
Ōnā tā tukutuku mō aku tīpuna.
Ōna pikitia mō aku tīpuna.
Ōna whakaāhua mō aku tīpuna.
Mō te mana, te tapu
Mō te ngākau, te hinengaro
Mō te wairua, te mauri
Mō te ihi, te wehi, te wana
Mō te hauora, mō te waiora
Ka mutu, mō te aroha.
Ko aku tā mō te aroha.
My Designs
How do I draw my authority?
How do I draw my sacred?
How do I draw my heart?
How do I draw my mind?
How do I draw my soul?
How do I draw my essence?
How do I draw my force?
How do I draw my awe?
How do I draw my grit?
How do I draw my health?
How do I draw my wealth?
How do I draw my love?
How indeed, how indeed!
I draw from my ancestors.
I draw from my house.
The intricate carvings of my ancestors.
The spiral lines of their lives.
The latticework of their love.
Drawing immortal pictures of them.
Snapshots, without the camera.
Of their qualities
Authority and sacred
Heart and mind
Soul and essence
Force, awe and grit
Health and wealth
Aroha and love
My designs, my ancestral love language